اتمني علشان تحس بحلاوتها

كل حاجة في الدنيا دي علشان تتقبلها وتحس بحلاوتها

محتاجة إنك يا تكون تعبت علشان توصلها

يا إما انت كان نفسك فيها وحلم بالنسبة ليك ولما جاتلك مصدقتش نفسك

لكن مهما كانت الحاجة دي جميلة والناس بتحاول تقنعك بكده وهي مش في حساباتك أصلا حتهملها

الحاجة دي ممكن تكون بضاعة في محل أو حد تعرفه أو شئ بتسعي ليه

ونفسك  يدخل حيز امتلاكك

فعلي الأقل علشان تكتمل حدود رغبتك لازم تعدي بمرحلة التمني

ممكن حد بقي يقول طيب ما احنا عندنا الموبايل ولاب توب وكل حاجة حديثة وبنستمتع بيها وبنحبها

ومتعبناش فيها وأهلنا إللا جابوها كمان

حقولك أصلا الحاجات دي كلها مش بتيجي غير بالزن

ولازم تعتبر إن الزن في حد ذاته مجهود علشان الحاجات دي توصلك

والمجهود دي ناتج من رغبتك وتمنيك للحاجات دي

:D :D

والنبي ابتسامة

والنبي ابتسم وبلاش وش زنهار

الابتسامة في حد ذاتها قرار
إيمانك جواك حيحقق الانتصار
لو سبتها بظروفها تنور وشك أكيد حيجيلك انهيار
أصل احنا إللا بنحلم بكرة وبنجري ورا حلمنا كل نهار

متخليش حد يأثر عليك وينقلك طاقته السلبية والانكسار

دور علي الابتسامة في كل حاجة بتعملها في كل لعبة تلعبها

في كل خطوة تخطيها وفي كل فكرة تفكرها وغنوة تغنيها

ابعد عن الحزن واقفل أبوابه

وإن كان الحزن وأحبابك إخوات افتكرلهم الحلو
ومش حتغلب صدقني ده الحلو كان مع أحبابك بالساعات